Manila DRRMO, nakataas na sa red alert status para sa Traslacion 2020

Nakataas na sa red alert status ang Manila Disaster Risk Reduction and Management Office (Manila DRRMO) para sa Traslacion 2020.

Ayon sa Manila Public Information Office (PIO), itinaas ang alerto bilang paghahanda sa prusisyon sa Pista ng Itim na Nazareno.

Dahil dito, lahat ng rescue unit at sasakyan ay on-duty na hanggang matapos ang prusisyon.

Inaasahang aabot sa anim na milyong deboto ang makikiisa sa Traslacion sa taong 2020.