Ganti ng Iran nagsimula na; pinakamalaking US military base sa Iraq pinaulanan ng bomba

Sinimulan na ng Iran ang paghihiganti nito sa Amerika matapos ang pagkasawi sa airstrike ng mataas na opisyal nila na si Gen. Qassem Soleimani.

Magkakasunod na airstrike ang bumagsak sa Ain al-Assad military base kung saan naroroon ang mga sundalo ng Amerika.

Ayon sa ulat ng Iran News Agency na Fars News Agency, inako ng Islamic Revolutionary Guard Corps ng Iraq ang responsibilidad sa pag-atake.

Makikita sa video na inilabas ng Fars ang magkakasunod na airstrike sa American base.

Ang Al-Assad Base ang pinakamalaking US military base sa Iraq na matatagpuan sa al-Anbar province.