Dating vice-governor ng Sultan Kudarat patay sa ambush
Nasawi si dating Sultan Kudarat vice governor Rolando ‘Rolly’ Recinto matapos tambangan sa Brgy. Bilumin, bayan ng Lambayong, Martes ng hapon.
Ayon sa inisyal na imbestigasyon, sakay si Recinto ng kanyang pickup truck at pauwi ng Tacurong City nang pagbabarilin ito ng mga suspek na sakay ng motorsiklo.
Nagtamo ng maraming tama ng bala sa katawan ang dating bise gobernador.
Isinugod pa ito sa ospital ngunit idineklara ring dead-on-arrival.
Nagsilbi ring alkalde ng Lambayong si Recinto.
Ayon sa Police Regional Office-12, iniimbestigahan na nila ang insidente at pinaghahanap na nila ang mga nasa likod ng pananambang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.