P200k halaga ng shabu nasabat sa buy-bust Las Piñas

Natimbog ang isang lalaki sa buy-bust operation ng pulisya sa Brgy. Daniel Fajardo, Las Piñas.

Ayon sa Las Piñas Police, nakilala ang suspek na si Allen Ceballos, 25 anyos.

Positibong nabilhan ng police poseur buyer ang suspek ng droga at agad itong inaresto.

Nakuhaan ang suspek ng aabot sa 40 gramo ng shabu na tinatayang nagkakahalaga P200,000.

Nakatakas naman ang kasaman ni Ceballos na si Erwin Dizon.

Mahaharap ang suspek sa kasong paglabag sa Comprehensive Dangerous Drugs Act of 2002.