M3.8 na lindol yumanig sa Tarlac

Niyanig ng magnitude 3.8 na lindol ang bahagi ng Tarlac alas-2:55 Miyerkules ng madaling-araw.

Ayon sa Phivolcs, ang episentro ng lindol ay sa layong walong kilometro Hilagang-Silangan ng bayan ng Concepcion.

May lalim itong 26 kilometro at tectonic ang dahilan.

Naitala ang Instrumental Intensity III sa San Ildefonso, Bulacan; Intensity II sa Magalang, Pampanga; at Intensity I sa Guagua, Pampanga.

Hindi naman nagdulot ng pinsala sa ari-arian ang lindol at wala ring inaasahang aftershocks.