Senator Ping Lacson inihain ang ‘One Party Consent’ Bill
Naniniwala si Senator Panfilo Lacson na malaking maitutulong sa kampaniya kontra terorismo at karumaldumal na krimen ang inihain niyang Senate Bill 1187 o ang One Party Consent.
Paliwanag ni Lacson ang panukala ay kaugnay sa wiretapping calls sa mga hinihinalang sangkot sa mga krimen, kasama na ang treason, rebellion, kudeta, sedition, kidnapping, robbery in band, drug related offenses, money laundering, plunder, bribery at corruption of public officials, gayundin ang espionage.
Aniya ito ay masasabing consensual monitoring kung saan maaring mai-record ang isang pribadong pag-uusap kung ang isa sa dalawang partido ay pumayag na mapakinggan ang kanyang pakikipag-usap.
Dagdag pa ng senador mapapabilis nito ang proseso para sa pag wiretap dahil hindi na kakailanganin pa ang pagpayag ng korte.
Pagtitiyak naman ni Lacson na magagarantiyahan pa rin sa kanyang panukala ang ‘right to privacy’ ng indibiduwal.
Dagdag pa nito, magagawa lang ang pag-record ng pag-uusap kung may sapat na ebidensiya na ito ay magagamit para sa pagsasampa ng matibay na kaso.
Nabatid din na ang anuman ebidensiya na makukuha gamit ang batas ngunit may mga paglabag sa probisyon ay hindi maaring magamit o tanggapin na ebdiensiya sa pagsasampa ng kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.