De La Salle Green Archers may bagong head coach

By: Dona Dominguez-Cargullo - 5 years ago

Si Frederick “Derrick” Pumaren ang bagong head coach ng De La Salle Green Archers sa UAAP.

Sa inilabas na pahayag ng Dela Salle University (DLSU) simula January 1, 2020 si Pumaren na ang head coach ng Men’s Basketball Team ng unibersidad.

Si Pumaren ay nagsilbi nang head coach ng Green Archers mula 1986 hanggang 1991.

Taong 1989 nang makuha ng La Salle ang unang kampeonato sa UAAP na naulit pa ng sumunod na taon.

Nagsilbi ring coach sa mga koponan sa PBA si Pumaren gaya ng Pepsi, Sunkist, Sta. Lucia, Purefoods, FedEx at Talk N Text.

Magsisilbi namang bahagi ng coaching staff ng Green Archers bilang assistant coach sina Gian Nazario at Kermaine Byrd.