Water level ng Angat dam nadagdagan pa sa nakalipas na magdamag

Tumaas pa ang antas ng tubig sa Angat dam sa nakalipas na magdamag.

Sa abiso ng PAGASA Hydrology, alas 6:00 ng umaga ng Martes, Jan. 7 ay nasa 204.38 meters ang antas ng tubig ng dam.

Wala namang pagbabago sa water level ng Ipo dam at La Mesa dam na nanatili sa 101.10 meters atn 77.73 meters.

Nadagdagan din sa magdamagang antas ng tubig sa Ambuklao at Binga dams.

Nabawasan naman ang water level ng San Roque, Pantabangan, Magat at Caliraya dams.