Excise tax sa langis, ipinapasuspinde ni Deputy Speaker Romero sa pamahalaan
Ipinapasuspinde ni House Deputy Speaker Mikee Romero sa pamahalaan ang umiiral na excise tax sa langis.
Ayon kay Romero, ito ay upang maiwasan ang posibleng pagtaas ng inflation dahil sa gulong inaasahan sa Gitnang Silangan at ng Estados Unidos.
Maari din anya na suspendihin muna ni Pangulong Rodrigo Duterte ang iba pang oil imports base sa temporary calibrations salig na rin sa tariff at taxation laws.
Dapat din anyang atasan ng Department of Energy (DOE) ang mga kumpanya ng langis na paabutin ng 30 araw ang kanilang fuel reserves.
Kaugnay nito, nanawagan si Romero sa Kongreso na aprubahan na ang kanyang panukala upang magkakaroon ng National Fuel Reserve ang bansa na magsisilbing insurance protection laban sa inflation dulot ng mataas na presyo ng langis sa world market.
Ang pahayag ay ginawa ng mambabatas kaugnay sa inaasahang pagganti ng Iran sa ginawang airstrike ng US sa Baghdad airport na ikinasawi ni Iran top general Qassem Soleimani.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.