Naiwang US $2,100 ng isang pasahero sa NAIA naibalik sa may-ari
Pinapurihan ang dalawang twauhan sa Ninoy Aquino International Airport (NAIA) matapos isauli ang 21 piraso ng 100 US Dollars na kanilang nakuha matapos maiwan ng pasahero.
Ayon kay Office for Transportation Security (OTS) Administrator Usec. Raul L. Del Rosario, ang pera ay isinauli nina Security Screening Officers Donn Mark Rivera at Luzviminda Galivo.
Ang dalawa ay nakatalaga sa terminal 1 ng NAIA.
Kabuuang US $2,100 ang halaga ng pera o katumbas ng P105,000 na naiwan sa Final Security Screening Checkpoint sa paliparan.
Sinabi ni Del Rosario na bibigyang pagkilala ang dalawa dahil sa katapatang ipinamalas ng mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.