Pangulong Duterte hindi muli nakapunta sa mga biktima ng lindo sa Davao Del Sur

Hindi muli nakarating si Pangulong Rodrigo Duterte sa Davao del Sur para bisitahin at abutan ng tulong ang mga biktima ng lindol doon.

Sa halip ay kinatawan na lang ang pangulo ng kaniyang anak na si Davao City Vice Mayor Sebastian Duterte.

Ayon kay Senator Bong Go, masama ang pakiramdam ng pangulo, gayunman, maayos naman ang kondisyon nito.

Una nang kinansela ang pagtungo ng pangulo sa Davao Del Sur noong Huwebes (Jan. 2) dahil masama ang kaniyang pakiramdam.

Dahil dito, sinabi ng Malakanyang na ngayong araw na lamang tutuloy ang pangulo sa lalawigan, ngunit muli itong hindi natuloy.