Batanes apektado ng malamig na panahon sa ilang bansa Southeast Asia
Kung dito sa Metro Manila hindi gaanong naging malamig ang panahon bunsod ng mahinang epekto ng amihan, nakararanas naman ng malamig na panahon sa Batanes.
Ayon kay PAGASA forecaster Glaiza Escullar, naging malamig ang panahon sa Batanes nitong nagdaang mga araw.
Kahapon umabot sa 12 degrees Celsius ang pinakamababang temperatura sa Batanes.
Malapit na ito sa 11.4 degrees Celsius na pinakamababang temperatura na naitala sa Batanes sa kasaysayan.
Sinabi ni Escullar na epekto ito ng malamig na panahong nararanasan sa maraming lugar sa Southeast Asia.
Samantala, kaninang alas 5:00 ng umaga, naitala sa PAGASA Science Garden sa Quezon City ang pinakamababang temperatura sa Metro Manila na 23.3 degrees Celsius.
Habang kanina ring alas 5:00 ng umaga ay 10.8 degrees Celsius naman ang naitala na temperatura sa Baguio City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.