Kagawad ng barangay patay, 4 pa sugatan sa banggaan ng motorsiklo sa Quezon
Patay ang isang kagawad ng barangay habang apat pa ang sugatan sa aksidente na naganap sa General Nakar, Quezon.
Dalawang motorsiklo ang nagkabanggaan sa Barangay Anoling, Huwebes (Jan. 2) ng gabi.
Ayon sa General Nakar police ang biktima ay nakilalang si Eliseo Astejada, 50 anyos ba kasalukuyang kagawad ng barangay.
Sakay si Astejada ng motorsiklo nang mabangga ng kasalubong na motorsiklo.
Nagtamo naman ng sugat ang driver ng isang motorsiklo na si Randy Fugoso gayundin ang tatlo niyang sakay na kinabibilangan ng kaniyang asawa at dalawa nilang anak.
Inamin naman ng misis ni Fugoso na ito ay nakainom nang mangyari ang aksidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.