24 na pasahero ng lumubog na bangka sa Cebu nailigtas ng coast guard

Nailigtas ng Philippine Coast Guard (PCG) District – Central Visayas ang 24 na pasahero ng isang motorbanca sa Naga City, Cebu.

Ito ay makaraang tumaob ang MB Poseidon 2 habang bumibiyahe sa karagatan ng Naga City.

Ayon sa coast guard, hinampas ng malakas na hangin at malalaking alon ang bangka dahilan para ito ay lumubog.

Ligtas naman ang lahat ng pasahero at nasa maayos silang kondisyon nang sila ay madala sa Naga Port, Cebu.