6 arestado sa buy-bust operation sa Quezon City
Timbog ang anim katao sa magkahiwalay na buy-bust operation sa Quezon City sa magdamag.
Unang naaresto sa ilalim ng tulay sa Brgy. Unang Sigaw ang mga suspek na nakilalang sina Florendo Mangawang, Jofer Guevarra, Brandon Verzosa at Analisa Godis.
Target ng operasyon si Mangawang.
Nabilhan ang suspek ng P200 halaga ng shabu at kalauna’y naaresto ang kanyang tatlong kasamahan.
Nakuha sa apat ang 12 plastic sachet ng hinihinalang shabu na tinatayang nagkakahalaga ng P40,000.
Arestado naman sa Novaliches ang dalawa pang drug suspects na nakilalang sina Ford Ian Espiritu at Marvin Pasilao.
Nasamsam mula sa dalawa ang dalawang plastic sachet ng hinihinalang shabu.
Mahaharap ang anim sa kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.