Amihan, ITCZ magdadala ng mga pag-ulan sa malaking bahagi ng bansa
Walang binabantayang sama ng panahon sa loob ng Philippine Area of Responsibility (PAR) sa kasalukuyan.
Ayon sa 4am weather update ng PAGASA, northeast monsoon o Amihan at intertropical convergence zone (ITCZ) ang weather systems na umiiral sa bansa sa ngayon.
Dahil sa Amihan, maulap na kalangitan na may kalat-kalat na pag-ulan ang mararanasan sa Cagayan Valley, Cordillera Administrative Region, Aurora at Quezon.
Ang ITCZ naman, nagdadala rin ng maulap na kalangitan at kalat-kalat na pag-ulan, pagkulog at pagkidlat sa Davao Region at Soccsksargen.
Sa Metro Manila at nalalabing bahagi ng bansa, asahan ang magandang panahon na may posibilidad lamang ng mga panandaliang buhos ng pag-ulan.
Nakataas ngayon ang gale warning at ipinagbabawal ang paglalayag sa mga baybaying dagat ng:
– Ilocos Norte
– Ilocos Sur
– La Union
– Pangasinan
– Batanes
– Babuyan
– Calayan
– Cagayan
– Isabela
– Aurora
– Quezon kasama ang Polillo Islands
– Camarines Norte
– Northern coast ng Camarines Sur
– Eastern coast ng Sorsogon
– Northern at eastern coast ng Catanduanes
– Surigao del Norte
– Dinagat Islands
– Siargao
– Northern at Eastern Samar
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.