EcoWaste Coalition, may paalala sa mga sasalubong ng Bagong Taon sa Rizal Park
Muling nagpaalala ang EcoWaste Coalition sa mga dadagsa sa Rizal Park sa Lungsod ng Maynila para salubungin ang Bagong Taon.
Sa inilabas na pahayag, iginiit ni Jove Benosa, zero waste campaigner ng environmental watchdog, na dapat ugaliin ng lahat ang maayos na pagtatapon ng mga basura.
Hindi dapat aniyang hayaan na maging “garbage bin” o basurahan ang monumento ng pambansang bayani na si Dr. Jose Rizal.
Sinabi nito na kailangang irespeto ng lahat ang nasabing historical site.
Dagdag pa nito, sa halip na iwan ang mga kalat, mas maiging pulutin ito at dalhin sa tamang tapunan para sa ma-recycle.
Inaasahan ang pagdagsa ng libu-libong bisita sa Rizal Park dahil nakagawian na ito ng karamihan tuwing Bisperas ng Bagong Taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.