Fire prevention motorcade, isinagawa sa Maynila
Nagkasa ng Fire Prevention motorcade ang ilang fire volunteer at opisyal ng pamahalaang lokal ng Maynila, Martes ng umaga.
Ito ay kasabay ng paghahanda sa Bisperas ng Bagong Taon.
Layon nitong ipanawagan ang mababang bilang ng insidente ng sunog at pagkasugat dahil sa paputok sa pagsalubong sa Bagong Taon.
Nakiisa sa motorcade ang Tondo Fire Station, Gagalangin Fire Station sa iba pa.
Sumama rin sa motorcade ang 19 trak ng bumbero, dalawang tanker, isang ambulansya, tatlong police patrol vehicle, sampung police motorcycle units.
Namahagi rin ang Manila Fire District 1 ng flyers para hikayatin ang publiko na huwag gumamit ng paputok.
Samantala, kasabay nito, namigay naman ang Manila Police District 2 ng mga pampaingay tulad ng paper horns o “torotot” sa mga residente ng lungsod.
Bahagi ito ng kanilang kampanya na ‘Oplan Iwas Paputok.’
Ilan sa pinuntahan ng MPD 2 ang bahagi ng Asuncion Street at Parola Compound sa Tondo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.