M4.9 na lindol yumanig sa Davao Occidental
Niyanig ng magnitude 4.9 na lindol ang bahagi ng Davao Occidental alas-5:12 Linggo ng hapon.
Ayon sa Phivolcs, ang episentro ng pagyanig ay sa layong 114 kilometro Timog-Kanluran ng Saranggani.
May lalim itong 14 kilometro.
Naitala ang Instrumental Intensity I sa General Santos City, Alabel at Malungon, Sarangani; at Tupi, South Cotabato.
Nakapagtala pa ng malalakas na lindol sa Sarangani, Davao Occidental ngayong gabi.
Magnitude 4.5 ang tumama sa layong 86 kilometro Timog-Kanluran ng Sarangani kaninang alas-8:03.
May lalim itong 15 kilometro.
Alas-9:18 naman nang yumanig ang magnitude 3.8 na lindol sa layong 94 kilometro Timog-Silangan ng Sarangani.
May lalim itong isang kilometro.
Isa pang magnitude 3.3 na pagyanig ang naitala sa layong 101 kilometro Timog-Kanluran ng Sarangani alas-9:53.
May lalim naman itong dalawang kilometro.
Tectonic ang dahilan ng mga pagyanig na hindi naman nagdulot ng pinsala sa mga ari-arian at wala ring inaasahang aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.