Walang apektadong Filipino sa pagsabog sa Somalia – DFA
Tiniyak ng Department of Foreign Affairs (DFA) na walang nasugatang Filipino sa pagsabog sa Mogadishu, Somalia.
Hindi bababa sa 79 katao ang nasawi makaraang pasabugin ang isang trak sa itinalagang checkpoint sa Mogadishu, araw ng Sabado.
Sa inilabas na pahayag, sinabi ng kagawaran na iniulat ng Embahada ng Pilipinas sa Nairobi na walang sangkot na Filipino sa insidente.
Patuloy anilang tututukan ang sitwasyon sa lugar para masiguro ang kaligtasan ng mga Filipino sa nasabing bansa.
Samantala, nagparating din ng pagkondena ang DFA sa nangyaring pagsabog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.