Fourth Solomon, engaged na sa nobya

Engaged na ang aktor at dating “Pinoy Big Brother” housemate na si Fourth Solomon sa kaniyang girlfriend na si Grizella Gratela.

Sa Instagram, nag-post ng larawan si Fourth para ianunsiyo ang engagement nila ng modelo.

Isinagawa ang proposal sa Golden Gate Bridge sa San Francisco, California sa Amerika.

Sa caption ng larawan, sinabi ni Fourth na kay Grizella lamang siya muling nakaramdam ng kaba.

Nag-post din ng larawan ang kambal ni Fourth na si Fifth gamit ang kaniyang Instagram account.

Binati nito ang dalawa at pabiro pang sinabi na sinyales na ba ito na siya na ang susunod na ikakasal.

Umani naman ng pagbati sina Fourth at Grizella mula sa kanilang mga tagahanga at kaibigan.