2 construction workers, timbog matapos mahulihan ng droga sa Navotas City

Arestado ang dalawang construction worker makaraang mahulihan ng ilegal ng droga sa Navotas City, Sabado ng umaga.

Batay sa ulat, nagsagawa ng surveillance operations ang Navotas Police laban sa mga suspek na sina Robin Felix, 25-anyos, at Chofilo Capilo, 47-anyos.

Nakuha sa dalawa ang 28.3 grams ng shabu na nagkakahalaga ng P192,440.

Maliban dito, narekober din sa mga suspek ang isang caliber 38 na baril na kargado ng anim na bala, coin purse at P300 na pera.