LOOK: Pasilidad ng BFAR sa Cebu nawasak dahil sa Typhoon Ursula
Nawasak ang pasilidad ng Bureau of Fisheries and Aquatic Resources Region 7 sa Cebu dahil sa pananalasa ng bagyong Ursula.
Sinira ng bagyo ang Multi-Species Hatchery ng BFAR-Region 7 na nasa barangay Kawit sa bayan ng Medellin.
Nasira ang bubong at ang kisame ng pasilidad.
Dahil dito, suspendido ang operasyon ng Multi-Species Hatchery sa Medellin at kakakailanganin muna nitong sumailalim sa rehabilitasyon.
Samantala, nagsasagawa na ng assessment ang BFAR Region 7 sa pinsalang naidulot ng bagyo sa fisheries.
Nagtalaga na ng Quick Response Team ang ahensya para makipag-ugnayan sa mga City at Municipal Agricultural Offices sa mga naapektuhan ng bagyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.