Maaga pa lamang kanina ay halos mapuno na ng mga tao ang kahabaan ng Roxas Boulevard na naghihintay sa parade ni 2015 Miss Universe Pia Wurtzbach.
Pasado alas-dos ng tanghali ng umarangkada ang kanyang sinasakyang float kung saan pati ang mga empleyado ng ibat-ibang mga tanggapan sa kahabaan ng Roxas Boulevard ay bumaba mula sa kanilang opisina para saksihan ang Miss Universe.
Noong isang linggo pa lamang ay naglabas na ng advisory ang Metro Manila Development Authority sa mga apektadong ruta na dadaanan ng nasabing parada.
Narito ang mga rutang dadaanan ng victory parade ni 2015 Miss Universe Pia Wurtzbach na babagtas sa Pasay City, Maynila at Makati City.
- Atang Dela Rama Street
- Vicente Sotto Street
- Ma. Guerrero Street
- Bukaneg Street
- Roxas Boulevard
- Padre Burgos Street papuntang Taft Avenue
- Finance Road
- Taft Avenue
- Quirino Avenue
- Roxas Boulevard
- Gil Puyat Avenue
- Ayala Avenue
- U-turn slot sa Ayala – Makati Fire station patungong Ayala Avenue at Rustans
Pagkatapos ng maiksing programa sa Makati City ay kaagad na tutuloy ang convoy ng Miss Universe sa Araneta Center sa Cubao Quezon City para sa isa pang Victory Parade na susundan ng programa sa Smart-Araneta Coliseum.