Tatlong magkakasunod na pagyanig tumama sa magkakahiwalay na lugar sa Mindanao

Niyanig ng magnitude 3.6 na lindol ang bayan ng Kiblawan sa Daval Del Sur.

Naitala ng phivolcs ang pagyanig sa layong 7 kilometers southwest ng Kiblawan, ala 1:31 ng madaling araw ng Biyernes, December 27.

May lalim na 17 kilometers ang pagyanig at tectonic ang origin nito.

Samantala, alas 2:13 ng madaling araw, nakapagtala naman ng magnitude 3.0 na lindol sa Wao, Lanao del Sur.

Ang epicenter ng lindol ay sa layong 7 kilometers west ng Wao.

Tectonic din ang origin ng pagyanig at 11 kilometers ang lalim nito.

Alas 3:03 naman ng madaling araw nang maitala ang magnitude 3.0 din na lindol sa Makilala, Cotabato.

Ang epicenter ng pagyanig ay sa layong 11 kilometers southwest ng Makilala.

9 kilometers naman ang lalim ng lindol at tectonic ang origin.

Hindi naman inaasahang magdudulot ng pinsala ang tatlong magkakasunod na pagyanig.

Excerpt: Simula ala 1:00 ng madaling araw ay tatlong magkakahiwalay na pagyanig ang naitala sa Mindanao.