Kakapusan ng P100 sa ATMs, pinuna ng labor organization
Nadedehado ang mga manggagawa sa kakapusan ng P100 sa automated teller machines (ATMs).
Ito ang sinabi ni Allan Tanjusay, tagapagsalita ng Associated Labor Unios-Trade Union Congress of the Philippines (ALU-TUCP).
Paliwanag ni Tanjusay, hindi buo na nailalabas ng mga manggagawa ang kanilang sahod kaya’t kinakapos sila ng P400 o hanggang P900.
Aniya, mababawasan pa ang kanilang pera kung susubukan nilang i-withdraw ang butal sa ATM ng ibang banko.
Diin ng Tanjusay sa inilabas nilang pahayag, hindi makatarungan ito para sa mga manggagawa na pinipilit na itawid ang gastusin ng pamilya.
Noong nakaraang Linggo, nakipagpulong na ang labor organization sa Banking Industry Tripartite Council, ang policy consultation body ng grupo ng mga manggagawa, banke manegrs, DOLE at BSP, at naipaliwanag na ang isyu ukol sa kakulangan ng P100 sa ATMs.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.