Mga pag-atake ng rebeldeng grupo makasisira sa sinseridad sa ceasefire

Panghahawakan ng Malakanyang ang pangako ng rebeldeng grupo na walang gagawing pag-atake ang kanilang hanay habang umiiral ang ceasefire.

Inaprubahan ng pangulo ang ceasefire mula December 23 hanggang sa January 7.

Ayon kay Presidential Spokesman Salvador Panelo, tiyak kasi na makasisisra sa sinseridad ng rebeldeng grupo kung gagawa ng pag-atake laban sa pamahalaan.

“As I said, any attack on their part will destroy the presumption of sincerity on this particular group,” ani Panelo.

Gayunman sinabi ni Panelo na palagi namang handa ang pamahalaan sa anumang uri ng banta sa seguridad.

Sinabi pa ni Panelo na matagal nang nakikibaka ang rebeldeng grupo subalit hanggang ngayon bigo pan in itong mapabagsak ang pamahalaan.