Bagyong #UrsulaPH isa nang severe tropical storm; 11 lugar nasa signal no. 2

Lumakas pa ang Bagyong Ursula at ngayon ay isa nang severe tropical storm.

Ayon sa 5am severe weather bulletin ng PAGASA, huling namataan ang bagyo sa layong 315 kilometro Silangan ng Guiuan, Eastern Samar.

Taglay na nito ang lakas ng hanging aabot sa 95 km kada oras malapit sa gitna at pagbugsong aabot sa 115 km kada oras.

Kumikilos ito pa-Kanluran Hilagang-Kanluran sa bilis na 30 km kada oras.

Tatama na sa Eastern Samar ang Bagyong Ursula mamayang hapon o gabi.

Hindi pa tinatanggal ng PAGASA ang posibilidad na lumakas pa ang bagyo at maabot ang typhoon category kaya’t posible ring magtaas pa ng Tropical Cyclone Signal no. 3.

Sa ngayon nakataas ang Signal no. 2 sa:
– Albay
– Sorsogon
– Masbate kasama ang Burias at Ticao Islands
– Northern Samar
– Eastern Samar
– Samar
– Leyte
– Biliran
– extreme northern Cebu kasama ang Bantayan and Camotes Islands (Bantayan, Madridejos, Santa Fe, Daanbantayan, Medellin, San Remigio, Bogo City, Tabogon, Tabuelan, Borbon, San Francisco, Poro, Tudela, Pilar)
– northeastern Iloilo (Carles, Balasan, Estancia, Batad, San Dionisio, Sara, Concepcion)
– at northeastern Capiz (Pilar, President Roxas, Pontevedra, Panay)

Nasa ilalim ng signal no. 1 ang:
– Bulacan
– Bataan
– Metro Manila
– Rizal
– Cavite
– Quezon
– Laguna
– Batangas
– Camarines Sur
– Camarines Norte
– Catanduanes
– Marinduque
– Romblon
– Occidental Mindoro kasama ang Lubang Island
– Oriental Mindoro
– Calamian Islands
– Cuyo Islands
– Southern Leyte,
– nalalabing bahagi ng northern Cebu (Carmen, Asturias, Tuburan, Catmon, Sogod)
– Central Cebu (Aloguinsan, Carcar City, Pinamungahan, San Fernando, Naga City, Toledo City, Minglanilla, Balamban, Talisay City, Cebu City, Cordova, Lapu-Lapu City, Mandaue City, Consolacion, Liloan, Compostela, Danao City)
– northeastern Bohol (Inabanga, Danao, Dagohoy, Pilar, Guindulman, Anda, Candijay, Alicia, Buenavista, Jetafe, Talibon, Trinidad, Bien Unido, San Miguel, Ubay, Mabini, Pres. Carlos P. Garcia)
– Aklan
– Antique
– nalalabing bahagi ng Capiz
– nalalabing bahagi ng Iloilo
– Guimaras
– northern Negros Occidental (Bacolod City, Bago City, Cadiz City, Calatrava, Enrique B. Magalona, Escalante City, La Carlota City, La Castellana, Manapla, Moises Padilla, Binalbagan, Hinigaran, Isabela, Murcia, Pontevedra, Pulupandan, Sagay City, Salvador Benedicto, San Carlos City, San Enrique, Silay City, Talisay City, Toboso, Valladolid, Victorias City)
– northern Negros Oriental (Canlaon City, Guihulngan City, Jimalalud, La Libertad, Vallehermoso)
– Dinagat Islands
– Surigao del Norte kasama ang Siargao at Bucas Grande Islands

Ngayong araw hanggang bukas ng tanghali, paminsan-minsan hanggang madalas na malakas na pag-ulan ang mararanasan sa Dinagat Islands, Siargao atBucas Grande Islands, Eastern Visayas, Sorsogon, Masbate, northern at central Cebu, northern Negros Provinces, Aklan, Antique, Capiz, Iloilo, Guimaras at Romblon.

Mahina hanggang katamtaman na paminsan-minsan ay may panaka-nakang malakas na pag-ulan ang mararanasan sa Bicol Region, Quezon, Marinduque, Oriental Mindoro, nalalabing bahagi ng Visayas at Surigao del Norte.

TAGS: #UrsulaPH intensifies to severe tropical storm, Bagyong Ursula, Pagasa, possible to become a typhoone, to landfall over Eastern Samar, weather disturbance, #UrsulaPH intensifies to severe tropical storm, Bagyong Ursula, Pagasa, possible to become a typhoone, to landfall over Eastern Samar, weather disturbance