Bagyong #UrsulaPH lumakas pa; posibleng maging Severe Tropical Storm bago tumama sa Eastern Samar
Bahagya pang lumakas ang Tropical Storm Ursula.
Ayon sa 11pm severe weather bulletin ng PAGASA, huling namataan ang sentro ng bagyo sa layong 530 kilometro Silangan ng Surigao City, Surigao del Norte o 505 km Silangan ng Guiuan, Eastern Samar.
Taglay na nito ang lakas ng hanging aabot sa 85 km bawat oras malapit sa gitna at pagbugsong aabot sa 105 km kada oras.
Kumikilos ito pa-Kanluran sa bilis na 30 km kada oras.
Inaasahang lalakas pa ang bagyo at umabot sa Severe Tropical Storm Category bago tumama sa Eastern Samar Martes ng hapon o gabi.
Nakataas ngayon ang Tropical Cyclone Wind Signal no. 2 sa mga sumusunod na lugar:
– Eastern Samar
– Samar
– Leyte
– at Biliran
Signal no. 1 naman sa:
– Quezon
– Laguna
– Batangas
– Camarines Sur
– Camarines Norte
– Catanduanes
– Albay
– Sorsogon
– Masbate kasama ang Ticao at Burias Islands
– Marinduque
– Romblon
– Occidental Mindoro kasama ang Lubang Island
– Oriental Mindoro
– Cuyo Islands
– Northern Samar
– Southern Leyte
– northern Cebu (Carmen, Asturias, Tuburan, Catmon, Sogod, Borbon, Tabuelan, Tabogon, San Remigio, Bogo Cty, Medellin, Daanbantayan, Bantayan, Santa Fe, Madridejos, San Francisco, Poro, Tudela, Pilar)
– central Cebu (Aloguinsan, Carcar City, Pinamungahan, San Fernando, Naga City, Toledo City, Minglanilla, Balamban, Talisay City, Cebu City, Cordova, Lapu-Lapu City, Mandaue City, Consolacion, Liloan, Compostela, Danao City)
– northeastern Bohol (Inabanga, Danao, Dagohoy, Pilar, Guindulman, Anda, Candijay, Alicia, Buenavista, Jetafe, Talibon, Trinidad, Bien Unido, San Miguel, Ubay, Mabini, Pres. Carlos P. Garcia)
– Aklan
– Antique
– Capiz
– Iloilo
– Guimaras
– northern Negros Occidental (Bacolod City, Bago City, Cadiz City, Calatrava, Enrique B. Magalona, Escalante City, La Carlota City, La Castellana, Manapla, Moises Padilla, Binalbagan, Hinigaran, Isabela, Murcia, Pontevedra, Pulupandan, Sagay City, Salvador Benedicto, San Carlos City, San Enrique, Silay City, Talisay City, Toboso, Valladolid, Victorias City)
– northern Negros Oriental (Canlaon City, Guihulngan City, Jimalalud, La Libertad, Vallehermoso)
– Dinagat Islands
– Surigao del Norte kasama ang Siargao at Bucas Grande Islands
Nagbabala ang PAGASA ukol sa pamaminsalang hangin na dala ng bagyo sa mga lugar na nasa ilalim ng Signal no. 2.
Bukas, posibleng isailalim na sa signal no. 1 ang Metro Manila.
Martes ng tanghali hanggang tanghali ng Miyerkules (December 25), paminsan-minsan hanggang madalas na malakas na pag-uulan ang mararanasan sa Dinagat Islands, Siargao at Bucas Grande Islands, Eastern Visayas, Sorsogon, Masbate, northern at central Cebu, northern Negros Provinces, Aklan, Antique, Capiz, Iloilo, Guimaras at Romblon.
Mahina hanggang katamtaman na may panaka-naka ring malakas na pag-ulan ang mararanasan sa nalalabing bahagi ng Bicol Region, Quezon, Marinduque, Oriental Mindoro, at nalalabing bahagi ng Visayas at Surigao del Norte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.