Tropical Storm #UrsulaPH, napanatili ang lakas; Mga lugar na nakataas sa Signal no. 2, nadagdagan

Napanatili ang lakas ng Tropical Storm Ursula habang tinatahak ang Eastern Visayas.

Batay sa severe weather bulletin ng PAGASA bandang 8:00 ng gabi, huling namataan ang sentro ng bagyo sa layong 625 kilometers Silangang bahagi ng Surigao City, Surigao del Norte bandang 7:00 ng hapon.

Taglay na nito ang lakas ng hanging aabot sa 75 kilometers per hour malapit sa gitna at pagbugsong aabot sa 90 kilometers per hour.

Kumikilos ang bagyo sa direksyong Kanluran Hilagang-Kanluran sa bilis na 25 kilometers per hour.

Dahil dito, nakataas ang Tropical Cyclone Wind Signals sa mga sumusunod na lugar:

Signal no. 2:
– Eastern Samar
– southern portion ng Samar (San Jose de Buan, Motiong, Jiabong, Catbalogan, Daram, Zumarraga, Paranas, Hinabangan, San Sebastian, Calbiga, Pinabacdao, Villareal, Talalora, Sta. Rita, Basey, Marabut)

Signal no. 1:
– southern portion ng Quezon (Pitogo, Gumaca, Plaridel, Unisan, Agdangan, Atimonan, Padre Burgos, Quezon, Alabat, Perez, Buenavista, Calauag, Catanauan, General Luna, Guinayangan, Lopez, Macalelon, Mulanay, San Andres, San Francisco, San Narciso, Tagkawayan)
– Camarines Sur
– Camarines Norte
– Catanduanes
– Albay
– Marinduque
– Romblon
– Oriental Mindoro
– Sorsogon
– Masbate kabilang ang Ticao at Burias Islands – Northern Samar
– nalalabing parte ng Samar
– Biliran
– Leyte
– Southern Leyte
– Northern Cebu (Carmen, Asturias, Tuburan, Catmon, Sogod, Borbon, Tabuelan, Tabogon, San Remigio, Bogo, Medellin, Daanbantayan, Bantayan Islands, Camotes Islands)
– Central Cebu (Aloguinsan, Carcar, Pinamungahan, San Fernando, Naga, Toledo, Minglanilla, Balamban, Talisay, Cebu City, Cordova, Lapu-Lapu, Mandaue, Consolacion, Liloan, Compostela, Danao)
– northeastern Bohol (Inabanga, Danao, Dagohoy, Pilar, Guindulman, Anda, Candijay, Alicia, Buenavista, Jetafe, Talibon, Trinidad, Bien Unido, San Miguel, Ubay, Mabini, Pres. Carlos P. Garcia)
– Aklan
– Antique
– Capiz
– Iloilo
– Guimaras
– northern Negros Occidental (Bacolod, Bago, Cadiz, Calatrava, Enrique B. Magalona, Escalante, La Carlota, La Castellana, Manapla, Moises Padilla, Binalbagan, Hinigaran, Isabela, Murcia, Pontevedra, Pulupandan, Sagay, Salvador Benedicto, San Carlos, San Enrique, Silay, Talisay, Toboso, Valladolid, Victorias)
– northern Negros Oriental (Canlaon, Guihulngan, Jimalalud, La Libertad, Vallehermoso)
– Dinagat Islands
– Surigao del Norte kabilang ang Siargao Islands

Ayon pa sa PAGASA, asahang makararanas ng katamtaman hanggang malakas na pag-ulan sa Dinagat Islands, Siargao at Bucas Grande Islands, Eastern Visayas, Romblon, Aklan, Antique, Capiz, Iloilo, at northern portions ng Cebu at Negros Occidental sa Martes ng hapon hanggang sa Miyerkules.

Mahina hanggang katamtaman na may intermittent heavy rains naman ang iiral sa Bicol Region, Quezon, Marinduque at nalalabing parte ng Visayas at Surigao del Norte.

Inaasahan pa ring lalakas pa ang bagyo at magiging severe tropical storm bago mag-landfall sa Eastern Visayas bandang Martes ng hapon o gabi.

Nagbabala rin ang PAGASA na mapanganib pumalaot, lalo na ang maliliit na sasakyang-pandagat sa mga apektadong lugar.

TAGS: Bagyong Ursula, eastern visayas, Pagasa, Tropical Storm Ursula, ursulaPH, Bagyong Ursula, eastern visayas, Pagasa, Tropical Storm Ursula, ursulaPH