2020 budget nilagdaan na ni US Pres. Trump; ban sa mga sangkot sa pagkakakulong kay De Lima kasama sa inaprubahan
Nilagdaan na ni US President Donald Trump ang 2020 national budget ng bansa.
Kasama sa inaprubahan ni Trump ang pagpapatupad ng ban sa mga nasa likod ng pagkakabilanggo ni Senator Leila de Lima.
Ang probisyon para magpatupad ng ban o pagbawalang pumasok sa US ang mga nagpakulong umano kay De Lima ay bahagi ng 2020 State of Foreign Operations Appropriations Bill.
Base sa naturang probisyon, nakasaad na dapat magpatupad ng ban at hindi payagang makapasok ng US ang mga nasa likod ng “hindi tamang” pagkakabilanggo nina Mustafa Kassem – isang American citizen at pinakulong ng gobyerno ng Egypt at Senator Leila de Lima na inaresto sa Pilipinas noong 2017.
Ang bahaging ito ay nasa amendment portion ng batas na isinulong nina US Senators Richard Durbin at Patrick Leahy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.