Una nang plinano nang bise presidente na ilabas ang kanyang ulat noong December 16 ngunit ipinagpaliban ito para bigyang-prayoridad ang relief operations sa mga biktima ng lindol sa Mindanao.
Sa kanyang radio program na “BISErbisyong LENI,” araw ng Linggo, sinabi ni Robredo na susubukang ilabas ang report ngayong Disyembre.
Pero kung hindi kakayanin ay ilalabas ito agad sa pagsisimula ng Enero.
“Kung kaya siguro ngayong December pa rin, gagawin natin ng December. Pero kapag hindi talaga, kapag hindi natapos iyong sakuna, baka early January, after the New Year,” ani Robredo.
“Karamihan gusto nang ituloy (noong December 16) para matapos na. Pero parang kasi wala kaming empathy niyan sa mga biktima, na sa panahon na kailangan sila iyong ating tutukan, ito naman nagde-deliver tayo ng Ulat ng Bayan na puwede naman gawin sa isang later time,” paliwanag ng opisyal.
Muling sinabi ng presidente na wala dapat ikabahala ang Malacañang ukol sa kanyang ulat dahil mga rekomendasyon ang laman nito para sa ikabubuti ng drug war.
Ang ulat ni Robredo ay nag-ugat sa kanyang maikling pamumuno bilang co-chair ng Inter-Agency Committee on Anti-Illegal Drugs (ICAD).