Resolusyon para sa pagpapatuloy ng peace talks inihain ng mahigit 100 kongresista
Isangdaan at tatlumpu’t isang miyembro ng Kamara ang naghain ng House Resolution 636 para sa agarang resumption ng peace negotiations sa pagitan ng gobyerno at ng National Democratic Front of the Philippines (NDFP).
Ayon kay House Deputy Minority Leader at Bayan Muna Rep. Carlos Zarate, ang naturang resolusyon ay malakas na mensahe ng suporta mula sa mga kongresista para ipagpatuloy ang usapang pangkapayapaan.
Kabilang sa mga lumagda sa resolusyon ay sina Deputy Speakers Boyet Gonzales, LRay Villafuerte, Loren Legarda, Evelina Escudero, Johnny Pimentel, Eddie Villanueva at Mikee Romero.
Nagbabala naman si Zarate laban sa mga nagtatangkang isabotahe ang pagbuhay sa negosasyon.
Sabi ng kongresista, hindi talaga titigil ang mga kontra sa kapayapaan sa pagdiskaril sa peace negotiations.
Patunay anya rito ang pagtatakda ng mga kondisyon bago ang usapan at pagbibigay ng tinawag nitong “militarist statements”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.