70 pamilya nawalan ng tirahan sa sunog sa Cebu City

Aabot sa 50 mga bahay ang nasunog sa Sitio Lourdes, Barangay Inayawan sa Cebu City.

Naganap ang sunog, Biyernes, Dec. 20 ng hapon.

Ayon kay Fire Officer 2 Fulbert Navarro, aabot sa 70 pamilya ang nawalan ng tirahan sa sunog at aabot sa P100,000 ang halaga ng mga ari-ariang napinsala.

Nagsimula ang sunog alas 4:37 ng hapon sa bahay na pag-aari ng mag-asawang Joseph at Clarissa Bonghanoy.

Umabot sa 3rd alarm ang sunog bago maideklarang under control alas 5:20 ng hapon.

Inaalam pa ng fire bureau kung ano ang pinagmulan ng apoy dahil walang tao sa bahay nang mangyari ang sunog.