Person of interest sa sunog sa Malate, Manila nasa kustodiya na ng MPD

(UPDATED) Mahigit-kumulang 30 bahay at 230 pamilya ang apektado ng sunog sa isang residential area sa Malate, Maynila araw ng Huwebes.

Ayon sa Manila Public Information Office, umabot sa ikalimang alarma ang sunog sa bahagi ng Leveriza Street pasado 1:00 ng hapon.

Idineklara namang fire under control sa lugar bago mag-2:00 ng hapon.

Mabilis kumalat ang apoy dahil pawang gawa sa light materials ang mga bahay sa lugar.

Samantala, nasa kustodiya na ng Manila Police District (MPD) Station 9 ang person of interest sa hinihinalang kaso ng arson sa sunog.

Ayon kay Major Rosalino Ibay Jr., hepe ng MPD Special Mayor’s Reaction Team, isa sa tinitignang motibo sa insidente ay away magkapatid.

Sa ngayon, inaalam pa ang halaga ng pinsala sa lugar.