Namataan ang isang Shallow Low Pressure Area (SLPA) sa loob ng Philippine Area of Responsibility (PAR).
Ayon sa 4AM weather update ng PAGASA, huling namataan ang sentro ng SLPA sa layong 1,050 kilometers Silangan-Timog-Silangan ng Davao City.
Wala pa namang direktang epekto ang LPA sa kalupaan ng bansa.
Inaasahan na sa darating na weekend ay magdadala ang LPA ng mga malalakas na pag-ulan sa malaking bahagi ng Mindanao at Visayas kaya’t inaabisuhan na ng PAGASA ang ating mga kababayan na mag-antabay ng mga update ukol sa weather disturbance.
Samantala, Easterlies pa rin ang nakakaapekto sa halos buong bansa ngayong araw ng Huwebes (December 19).
Makararanas pa rin ng mga pag-ulan ang ilang bahagi ng Visayas at Mindanao dahil sa Easterlies.
Maaliwalas ang mararanasang panahon sa halos buong Luzon at hindi inaasahan ang malawakang pag-ulan sa susunod na 24 oras.
Asahan naman ang bahagyang maulap hanggang sa maulap lamang na papawirin at may mga tyansa ng isolated thunderstorms sa hapon o gabi sa Metro Manila at natitirang bahagi ng Luzon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.