P141-M halaga ng shabu, nasabat sa isang warehouse sa Pasay City

By: Angellic Jordan - 5 years ago

Nasamsam ng Bureau of Customs (BOC) Port of Ninoy Aquino International Airport (NAIA) ang nasa mahigit P100 milyong halaga ng shabu sa isang warehouse sa Pasay City.

Sa inilabas na pahayag ng BOC, nasa kabuuang 20.8 kilos ang bigat ng mga ilegal na droga na nagmula sa Amerika.

Isinilid ang kontrabando sa loob ng speakers.

Nagkakahalaga ang mga nasabat na ilegal na droga ng P141 milyon.

Dinala na ang kontrabando sa Philippine Drug Enforcement Agency (PDEA) para sa isasagawang mas malalim na imbestigasyon.