Kapatid ng dating konsehal sa Bacolod City, patay sa pamamaril

Patay ang isang negosyante makaraang pagbabarilin sa Bacolod City, Linggo ng umaga.

Sa ulat ng Bacolod City Police Office, nakasakay ang biktimang si Roberto “Kaishek” Lo Tan, 70-anyos, sa kaniyang Nissan Sentra nang biglang pagbabarilin ng riding-in-tandem sa CLMontelibano Drive sa Barangay Estefania bandang 9:45 ng umaga.

Ang biktima ay kapatid ng dating konsehal sa Bacolod na si Ricardo “Cano” Tan.

Mabilis namang nakatakas ang mga responsable sa krimen.

Patuloy pa ang isinasagawang imbestigasyon ng mga otoridad sa pamamaril.