Gusali sa Padada, Davao del Sur gumuho bunsod ng malakas na lindol

Gumuho ang isang gusali sa Padada, Davao del Sur Linggo ng hapon.

Ito ay makaraang tumama ang magnitude 6.9 na lindol sa probinsya bandang 2:11 ng hapon.

Nasugatan ang ilang residente sa pagguho ng gusali sa bahagi ng South Green.

Ayon kay Senator Richard Gordon, agad nagkasa ng search and rescue operations ang Philippine Red Cross (PRC) para asistihan ang mga biktima.

Sinabi pa ng PRC chairman na mayroong nakahandang sapat na bilang ng rescuers at kagamitan para mapabilis ang pagresponde sa lugar.