Anim patay sa karambola ng apat na sasakyan sa Tacurong City

Patay ang anim na indibiduwal kabilang ang pitong buwang gulang na sanggol sa karambola ng apat na sasakyan sa highway ng Purok 9, Barangay Poblacion, Tacurong City, Biyernes ng madaling araw ng December 13, 2019.

Ayon sa mga otoridad, apat sa mga nasawi ay pawang mga bata.

Sugatan naman ang limang iba pa sa aksidenteng kinasangkutan ng apat na sasakyan.

Nabatid na unang binangga ng SUV ang isang tricyle. Nadamay din ang isa pang tricycle at pick-up na nakasunod naman sa SUV.

Patuloy ang imbestigasyon sa aksidente.