DOJ Usec. Emmeline Aglipay-Villar nag-inhibit sa review ng concession agreement ng Manila water at Maynilad sa MWSS
Kinumpirma ni Justice Menardo Guevarra na hihingin niya ang pag-inhibit ni Undersecretary Emmeline Aglipay-Villar sa ginagawang pag-review ng Department of Justice o DOJ sa concession agreement sa Maynilad at Manila Water.
Ayon kay Guevarra, layon nito na maiwasan ang kontrobersiya matapos na lumutang ang akusasyon na pinupuntirya ni Aglipay-Villar ang Maynilad at Manila Water.
Si Aglipay-Villar ay maybahay ni Public Works Sec. Mark Villar, na anak nina Senadora Cynthia Villar at dating Senador Manny Villar.
Ang pamilya Villar ang may-ari ng Primewater Infrastructure Corporation na sinasabing posibleng mag-takeover sa pagsusuplay ng tubig kapalit ng dalawang water firms.
Una nang sinabi ni Aglipay-Villar na walang kinalaman ang pamilya Villar sa kanyang trabaho sa pag-review sa mga kontrata.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.