M3.0 na lindol naitala sa Davao Occidental

Niyanig ng magnitude 3.0 na lindol ang bahagi ng Davao Occidental alas-2:01 Biyernes ng madaling-araw.

Ayon sa Phivolcs, ang episentro ng lindol ay sa layong 82 kilometro Timog-Silangan ng Don Marcelino.

May lalim ang pagyanig na 16 kilometro at tectonic ang pinagmulan.

Hindi naman nagdulot ng pinsala sa ari-arian ang lindol at wala ring inaasahang aftershocks.