Buy-bust operation isinagawa sa Candelaria, Quezon; dating drug convict arestado

By Rose Cabrales December 12, 2019 - 12:49 PM

Arestado ang isang dating drug convic sa isinagawang buy-bust operation ng mga otoridad sa bayan ng Candelaria sa lalawigan ng Quezon, Miyerkules ng gabi (December 11).

Nakilala ang suspek na si Florencio Cunanan Jr., 37 taong gulang na dati nang nakulong dahil sa kasong pagtutulak ng droga pero nakalaya matapos ang plea bargaining agreement.

Ayon sa Quezon police, naaresto si Cunanan matapos bentahan ng shabu ang isang police agent sa Barangay Malabanban Sur alas-10 ng gabi.

Nakumpiska sa suspek ang tatlong plastic ng shabu na tinatayang nagkakahalaga ng P12,512.

Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.

TAGS: buy bust operation, candelaria, Comprehensive Dangerous Drugs Act of 2002, Quezon, Quezon police, Republic Act 9165, buy bust operation, candelaria, Comprehensive Dangerous Drugs Act of 2002, Quezon, Quezon police, Republic Act 9165

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.