Nagsimula nang magdatingan ang mga nais manood ng closing ceremony ng 30th Southeast Asian (SEA) Games sa New Clark City sa Capas, Tarlac Miyerkules ng hapon.
Sa entrada pa lamang ng New Clark City ay mahigpit na ang seguridad na ipinapatupad ng mga guwardiya at mga tauhan ng Philippine National Police (PNP) at militar.
Mayroong hiwa-hiwalay na linya para sa mga lalaki at babae na dalang bag at walang dalang bag.
Mayroon ding nakalaang linya para sa mga buntis, may kapansanan, bata at nakatatanda.
Mga spectators na gustong pumasok sa stadium ng New Clark City para manood ng closing ceremony ng SEA Games #SEAGames2019xInquirer @dzIQ990 pic.twitter.com/ks0CjGYuat
— Erwin Aguilon, J.D. (@erwinaguilonINQ) December 11, 2019
Bago makapasok ng stadium, mahigpit na tinitignan ang ticket sa kada taong pumapasok.
Hindi pinapayagang makapasok ang mga tao na walang nabiling ticket.
Sa bahagi naman mismo ng stadium, patuloy pa ang isinasagawang paghahanda partikular sa entablado.
Mga last minute preparation sa closing ceremony ng SEA Games #seagames2019xinquirer @dzIQ990 @inquirerdotnet pic.twitter.com/Eo8I2mxaEr
— Erwin Aguilon, J.D. (@erwinaguilonINQ) December 11, 2019
Nakatakdang magsimula ang closing ceremony bandang 5:00 ng hapon.