Mister ng babaeng dinukot sa Makati itinuturing nang person of interest
Itinuturing nang person of interest ang mister ng babaeng Chinese na dinukot sa Makati City.
Ayon kay Makati City Police Criminal Investigation Unit chief Police Major Gideon Ines, nakausap na nila ang mister ng bitkimang si Zhou Mei na kinilalang si Chen Tangbin.
Sinabi ni Ines na may mga inconsistencies sa mga pahayag ng mister ng biktima.
Nagtataka din ang Makati City police kung bakit lumipas pa ang ilang oras bago nagtungo sa mga otoridad si Chen.
Patuloy pang hinahanap sa ngayon ang biktima.
Nakita rin sa CCTV na matapos ang pagdukot sa biktima ay nagpaikot-ikot lang sa palibot ng Makati ang sasakyang kumuha sa kaniya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.