Tourism Office ng Maynila nag-sorry sa grupong “Hotdog” sa paggamit ng kantang “Manila” nang walang paalam
Humingi ng paumahin sa grupong Hotdog ang Manila Tourism and Cultural Affairs Bureau.
Ito ay kasunod ng paggamit nila ng kantang “Manila” sa isa nilang video na ibinahagi sa Facebook nang walang pahintulot.
Sa kanilang official statement, nakasaad na hindi sinasadya ng tanggapan ang paggamit ng kantang “Manila” na sa kanilang pagkakaalam ay patungkol sa lungsod ng Maynila.
Ginamit ang naturang kanta bilang background music sa video ng ginawang pagpapailaw sa Jonse Bridge.
Aminado ang tourism office ng lungsod na tinawag ng grupong Hotdog ang kanilang atensyon dahil sa insidente.
Binura na ang naturang video sa facebook page ng Manila Tourism office.
Nag-post na lamang ng drone shots ng Maynila na walang audio na may @hastag na #BagongMaynila, #SimplyNoPlaceLikeManila at #ManilaImComingHome.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.