Ceasefire sa rebeldeng grupo hindi irerekomenda ng DILG ngayong Christmas season

Hindi irerekomenda ni Interior and Local Government Secretary Eduardo Año ang pagdedeklara ng ceasefire sa mga makakaliwang grupo ngayong Christmas Season.

Ayon kay Año, kung tatanungin siya ni Pangulong Duterte hinggil sa posibleng ceasefire ay hindi niya ito irerekomenda.

Welcome naman aniya sa pamahalaan kung ang mga komunista ay magpapasyang magbalik-loob sa gobyerno.

Ayon sa kalihim, may mga benepisyong inilalaanan ang gobyerno para sa mga rebeldeng nagbabalik-loob.

Una rito, sinabi rin ni Defense Sec. Delfin Lorenzana na hindi siya magrerekomenda ng ceasefire sa Communist Party of the Philippines (CPP).