Arestado ang dalawang lalaki sa ikinasang buy-bust operation sa Cebu, Sabado ng gabi.
Batay sa ulat ng Philippine Drug Enforcement Agency (PDEA) Regional Office 7-Central Visayas, isinagawa ang operasyon sa V. Rama Avenue sa bahagy ng Barangay Calamba bandang 10:30 ng gabi.
Nakilala ang mga suspek na sina Wilfredo Rasonable Cuizon Jr, 42-anyos; at Roniel Arrabis Arriesgado, 29-anyos.
Nakumpiska ng mga otoridad sa dalawa ang pitong pakete ng hinihinalang shabu, ginamit na buy-bust money, tig-iisang mobile phone, brown envelope, unit weighing scale at P1,320 na cash.
Nagkakahalaga ang nakuhang shabu ng ang P340,000.
Mahaharap ang dalawa sa kasong paglabag sa Section 5 na may relasyon sa Section 26, Article 2 ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.