Pangungunahan ni MMDA Chairman Danny Lim ang okasyon at magsisilbing panauhing pandangal si Sen. Christopher “Bong” Go at dadalo rin si Pasig City Mayor Vico Sotto.
Magugunita na dekada ’90 nang simulant ang nag-isang water-based transportation sa Metro Manila sa operasyon ng Magsaysay Lines ngunit tumagal lang ito ng mahigit isang taon.
Taong 1996 nang buhayin ng Starcraft Ferry ang linya ngunit huminto din ito makalipas ang tatlong taon na operasyon.
Makalipas ang 11 taon, muli itong binuhay at lumago mula sa lima hanggang 14 ang ferry station.
Inaasahan na sa bagong serbisyo, mas marami ang sasakay sa water taxis sa Pasig River para na rin makaiwas sa traffic ng Maynila, Makati City hanggang Pasig City.