P40M halaga ng hinihinalang shabu nasabat sa buy-bust sa Parañaque

Nakumpiska ang aabot sa P40 milyong halaga ng hinihinalang shabu sa buy-bust operation sa isang condo unit sa Brgy. Moonwalk, Parañaque, Biyernes ng gabi.

Ang operasyon ay isinagawa ng Pasay Police at Philippine Drug Enforcement Agency (PDEA).

Natimbog ang tatlong lalaki kabilang ang isang vendor at isang tricycle driver.

Nasa anim na kilo ang bigat ng hinihinalang shabu na nakuha mula sa mga suspek na nakasilid sa maliliit hanggang malalaking plastic sachet.

Patuloy na iniimbestigahan ng PDEA kung saan galing ang shabu.

Mahaharap ang mga suspek sa kasong paglabag sa Comprehensive Dangerous Drugs Act of 2002.